İzraildän yaña qarar

BDS xӓrӓkӓten xuplawçı oyışma wӓkillӓrenä ilgӓ kerü tıyılğan

883561
İzraildän yaña qarar

İzrail “Fӓlӓstin öçen İzrailne boykot kereşüe” bularaq belenüçe BDS xӓrӓkӓten xuplawı nigeznamӓse belӓn xalıqara 20 oyışma wӓkillӓreneň ilgӓ kerüen tıyğan.

İzrailda “Kanal 7” televideniyese xӓbӓrenӓ kürӓ İzrailneň Dӓwlӓt iminlege ministrı Gilad Erdan yasağan açıqlawında saqlanudan höcümgӓ küçülӓren belderep: “Boykot çaqıruı yasağan oyışmalar şunı belep torsın, İzrail dӓwlӓte bu oyışmalarnıň cirlӓrenӓ kerüenӓ hӓm watandaşlarına zıyan kiterüenӓ röxsӓt birmӓyӓçӓk,” – digӓn.

Ӓlege oyışmalarnıň İzrailneň xalıqara cӓmӓğat’çelektӓge legallegenӓ höcüm yasar öçen spekulyativ xӓbӓrlӓrgӓ urın birüen ӓytkӓn Erdan bolarnıň dӓwamlı İzrailne boykot itüen hӓm törle illӓrdӓge oyışmalarğa da basım yasawın dӓğwa itkӓn.

İzrail Dӓwlӓt iminlege ministrlığı isemlegendӓ urın aluçı oyışmalar arasında Franŝiyadağı “Fӓlӓstin belӓn telӓktӓşlek cӓmğiyӓte”, Angliyadan “War on Want” cӓmğiyӓte, BDS xӓrӓkӓteneň İtaliya hӓm Franŝiyadağı bülekçӓlӓre, Awrupa Koordinaŝiya Şurası, Aksa dusları hӓm İrlandiya belӓn telӓktӓşlek mӓydanı, AQŞtan Xezmӓt öçen Amerikan dusları komitetı, Fӓlӓstin öçen Amerikan möselmannarı, Tınıçlıq öçen yӓhüd awazı, Fӓlӓstindӓ Ğadellek öçen Milli uquçılar, Alsu simvol hӓm Fӓlӓstin xoquqları öçen Amerika mӓydanı kebek oyışmalar bar.

Ayıruça Şveŝiyadağı “Fӓlӓstin belӓn telӓktӓşlek cӓmğiyӓte”, Londondağı “Fӓlӓstin belӓn telӓktӓşlek mӓydanı” belӓn Norvegiyadağı Fӓlӓstin komitetı urın alğan isemlektӓ BDSnıň Çili hӓm Könyaq Afrikadağı bülekçӓlӓre dӓ bar.

Fӓlӓstin cirlӓrendӓ İzrail yawlawınıň beterelüe maqsatı belӓn qorılğan Boykot, izolyaŝiya, çiklӓwlӓr xӓrӓkӓte BDS xalıqara ölkӓdӓ İzrailneň iqtisadi, akademik, mӓdӓni hӓm sӓyӓsi yaqtan boykot itelüen maqsat itӓ.

İzrail BDSne strategik qurqınıç bularaq kürӓ, moňa bӓyle aktivistlarnı anti-semit buluda ğayepli hӓm boykotka çaqıruçı bu keşelӓrne ildӓn çığara.

İzrail Parlamentı da mart ayında İzrailne boykot çaqırun yasawçılarğa viza birmӓwne küzdӓ totuçı “boykot” qanunın raslağan ide.



Bäyläneşle xäbärlär