Abbas: “Fälästin öçen ciñü”

Fälästin Däwlät başlığı Abbas Berläşkän Millätlär Oyışması ğomum şurasınıñ Amerika Quşma Ştatlarınıñ Qudüs-Yerusalim qararın kire aluın küzdä totuçı ölgene raslawnıñ ciñü buluın äytkän.

Mäxmüt Abbas: "Tawışqa quyu näticäse - Fälästin öçen ciñü”, - dip beldergän.

İzrail premyer-ministrı Benyamin Netanyahu isä Berläşkän Millätlär Oyışmasında 128 tawış belän qabul itelgän Qudüs-Yerusalim qararınnan soñ yasağan belderüendä: "BMOnıñ qararın kire qağabız, AQŞ İlbaşı Donal’d Trampqa räxmätläremne citkeräm”, - dip äytkän.

Donal’d Tramp 6nçı dekabr’dä Qudüs-Yerusalimne İzrail başqalası itep iğlan itüen açıqlağan ide.

Trampnıñ Qudüs-Yerusalim qararın tänqitläwçe qarar ölgese atnakiçen BMO Ğomum şurasında Amerika Quşma Ştatlarınıñ yanawlarına qaramastan 9ğa qarşı 128 tawış belän qabul itelde.