Könçığış Gutada wazğiyӓt kritik däräcädä

Süriyӓdӓ Bӓşar Ӓsӓd rejimı blokadası astındağı Könçığış Gutada humanitar wazğiyӓtneñ kritik buluı belderelgӓn.

Xalıqara Qızılxaç komitetınnan yasalğan yazulı açıqlawda Dimӓşk cirlegendӓge töbӓktӓ bӓreleşlӓrneñ kübӓyüe, ülüçelӓrneñ artuınnan borçunıñ toyıluı citkerelgӓn.

Açıqlawda 14 noyabr’dan birle şaqtıy ğayepsez keşeneñ yaqtı dönyadan kitüe hӓm yaralanuı, bӓreleşlӓrdӓn küp keşeneñ tӓêsirlӓnüe urın alğan.

Xalıqara xoquq buyınça tınıç xalıqnıñ hӓm yӓşӓw urınnarınıñ bӓreleşlӓrdӓn saqlanıluı zarurlığına basım yasalğan açıqlawda Könçığış Gutadağı ğayepsez keşelӓr kiçerüçe wazğiyӓtneñ kritik buluı iskӓrtüe yasalğan.

Açıqlawda töbӓktӓge sӓlamӓtlek saqlaw xezmӓtkӓrlӓreneñ yözlӓrçӓ xasta hӓm yaralanuçınıñ töp mediśina xezmӓtlӓrennӓn mӓxrüm qaluın citkerüe, awır qış şartlarınıñ isӓ wazğiyӓt’ne tağın da naçaraytuı belderelgӓn.

Awrupa Berlege komissiyaseneñ humanitar yӓrdӓm hӓm krizis idarӓsennӓn cawaplı ӓğzase Kristos Stilianides ta yasağan yazulı açıqlawında: “Soñğı atnalarda qamaw astındağı Könçığış Gutada wazğiyӓt’ bik naçaraydı. Andağı yaqınça 400 meñ keşe azıq-tölek, daru hӓm yağulıq kebek töp ixtıyaclardan mӓxrüm,” – digӓn.

Töbӓkneñ qıtlıq, artuçı xastalıq riskı belӓn oçraşuına iğtibarnı cӓlep itkӓn Kristos 137ese bala-çağa belӓn barlığı 500 keşeneñ aşığıç rӓweştӓ küçerelüe zarurlığın beldergӓn.