BMO İminlek şurası cıyılğan

Yerusalimne İzrail başqalası bularaq tanu qararı bӓyӓlӓnä

864670
BMO İminlek şurası cıyılğan

BMO İminlek şurası AQŞ ilbaşı Trampnıñ Yerusalimne İzrail başqalası bularaq tanu qararın bӓyӓlӓr öçen cıyılğan.

BMOnıñ Yaqın Könçığışta tınıçlıq urnaştıru barışı maxsus koordinatorı Nikolay Mladenov Tramp qararınnan soñ töbӓktӓ qırıslıqnıñ üsü riskınıñ buluın assızıqlağan.

Mladenov BMO ğomüm sӓrqӓtibe Antonio Guterresnıñ “İzrail-Fӓlӓstin bӓxӓseneñ turıdan söylӓşülӓr belӓn çişelüe zarurlığı” hӓm “ike dӓwlӓtle çişeleşkӓ B planının bulmawı” süzlӓren qabatlağan.

AQŞ wӓkile Nikki Haley isӓ Tramp qararınıñ tınıçlıqnı üsterügӓ qarawın ӓytkӓn.

Cıyılışta Angliya, Franśiya, Germaniya, İtaliya hӓm Şveśiya ilçelӓre Tramp qararına quşılmawların açıqlağan.

İlçelӓr cıyılıştan soñ yasağan urtaq açıqlawda: “Qararğa quşılmıybız. Tramp qararı BMO İminlek şurası qararlarına qarşı kilӓ. Vaşingtonnıñ Fӓlӓstin-İzrail tınıçlığı öçen centekle plannar tӓqdim itüen kötӓbez,” – dip ӓytelgӓn.



Bäyläneşle xäbärlär