“Oyışmada iq’tisadi xezmättäşlekne artturu kiräk”

Medvedev bu xaqta Soçida uzğan Şanxay xezmättäşlek oyışmasına äğ’za illär prem’yer-ministrları qatnaşqan xökümät başlıqları şurasında yasağan çığışında citkergän

859822
“Oyışmada iq’tisadi xezmättäşlekne artturu kiräk”

 

Rusiya Federaśiyäse prem’yer-ministrı Dmitriy Medvedev Şanxay xezmättäşlek oyışmasında iq’tisadi xezmättäşlekne arttıru kiräklegen beldergän.

Medvedev Soçida uzğan Şanxay xezmättäşlek oyışmasına äğ’za illär prem’yer-ministrları qatnaşqan xökümät başlıqları şurasında yasağan çığışında Rusiya belän oyışmağa äğ’za illär arasındağı säwdä külämeneñ bıyıl 80 milliard dollarğa citüen citkergän.

Şanxay xezmättäşlek oyışmasınıñ nigezdä iminlek säyäsäte tarmağında koordinaśiya mäs’äläläre belän qızıqsınuçı oyışma bularaq belenüen beldergän Medvedev ,oyışma qısasında iq’tisadi xezmättäşlekkä ähämiyät birü kiräklegen assızıqlağan.

Rusiya Federaśiyäse prem’yer-ministrı Şanxay xezmättäşlek oyışmasında bank buldıru kiräklegenä dä basım yasap “Älege mäs’älä belän bäyle söyläşülär däwam itä. Monıñ belän bäyle konkret adım yasaw zarur. Çönki bu tulısınça bezneñ qulıbızda” digän.

Dmitriy Medvedev Şanxay xezmättäşlek oyışmasına äğ’za bulu  öçen möräcäğät’ itkän İran häm Äfganstannıñ oyışmağa äğ’zalığı öçen bernindi kirtä bulmawın beldergän.



Bäyläneşle xäbärlär