Ğiraqta köçle cirteträw
7,2 ball zurlığındağı cirteträwdä şaqtıy keşeneñ ğomere özelgän
Ğiraqta küzätelgän 7,2 ball zurlığındağı cirteträwdä Söläymaniyädä 8, İranda isä 400 keşeneñ ğomere özelgän, 6500 dän kübräk keşe yaralanğan.
Amerika Quşma Ştatları geologik tikşerenülär oyışması Ğiraqnıñ İran çik buyında yaqın urnaşqan Haläpçä qalasınıñ 32 çaqrım könyaq-könbatışında 7,2 zurlığında cirteträw barlıqqa kilüen beldergän.
Cirteträw Bagdatta 20 sekund, qalğan şähärlärda isä tağın da ozağraq xis itelgän.
Ğiraq – İran çik buyında cirle waqıt belän tönge 1 nçe yartıda 4,8 ball zurlığında tağın ber zilzilä küzätelgän.
Cirteträw Törkiyäneñ könyaq şähärlärennän Diyarbakır, Batman, Mardin, Şırnak, Hakkari, Van ,Muşta da xis itelde .
Diyarbakırdan 30 keşelek qotqaru törkeme cirteträw töbägenä cibärelde.
Törkiyä “Qızılay” yärdäm oyışmasınıñ Könçığış Anadolu töbäk afät idarä üzägendä wazıyfa başqaruçı törkemnär dä cirteträwdän soñ êşkä kereşte.
Muşnıñ Hasköy ilçäsendäge depolardan 1000 çatır töyälgän yök maşinaları cirteträw töbägenä taba yulğa çıqtı.
Adanadan da töbäkkä 10 yök maşinası yärdäm cibärelde.
Cirteträwdä zıyan kürüçelärneñ ixtıyacların qanäğät’länderü öçen Urta diñgez afät idarä üzägennän 560 çatır, 2 meñ urın – cir, 1000 odeyal häm 1100 cılıtqıç ta yök maşinalarına töyälde.
Bäyläneşle xäbärlär
Lavrov: "Könbatış iğ'tibarnı Ğazzädän İranğa yünältergä teli"
Rusiyä tışqı êşlär ministrı İran kiyerenkelege mäs'äläsenä bäyä birde
Bu yaz dön'ya külämendä rekord cılılıqlar belän uza
Belgeçlär aldağı könnärdä yaña cılılıq rekordları yasala aluı turında kisätte
