Soğud Ğaräbstanında boralaq qazası

Soğud Ğaräbstanında ber prinś häm yuğarı däräcäle räsmi zatlar utırğan boralaq kilep töşkän.

Waqiğada isän qaluçı bulmağan.

Soğud Ğaräbstanınıñ räsmi televideniye xäbärendä Abha töbäge Ämire urınbasarı, prinś Mansur bin Mukrin häm yanındağı wäkillek utırğan boralaqnıñ kilep töşüe, waqiğada prinś belän wäkillektä urın aluçı härkemneñ yaqtı dönyadan kitüe belderelgän.

Prinś Mansur belän boralaqta Ämir wäkile Sälman äl-Cärişi, Ämirlek ğomüm särqätibe Salih bin Abdullah äl-Kadi, Asir töbägeneñ İgençelek bülege başlığı Fähd äl-Färtiş, Asir töbäge poliśiya mödire, mayor Salih bin Söläyman äl-Kärzai häm qalğan räsmi zatlarnıñ buluı açıqlanğan.

Belgeçlärneñ boralaq kisäklären tabuın häm kiräkle tikşerülärne başqaruın beldergän Êçke êşlär ministrlığınıñ İminlek süzçese Mansur ät-Turki soñğı mäğlümatlarnıñ cämäğat’çelek belän urtaqlaşılaçağın citkergän.