Ğiraq parlamentı bäysezlek referendumın kire qaqqan

Ğiraq parlamentı Ğiraq körd regional’ citäkçelegeneň 25 nçe sentyabr’dä ütkäräçäk bäysezlek referendumın kire qaqqan.

Şiği milli koaliŝiya xalıq ışanıçlısı Ali Safi parlamentnıň älege referendumnı küpçelek tawış tawış belän kire qağuın,qararğa qarşı çıqqan körd xalıq ışanıçlılarınıň isä utırıştan kitülären beldergän.

328 urınlı parlamentta ütkärelgän tawışqa quyuda 168 xalıq ışanıçlısı qatnaşqan.

Ğiraq körd regional’ citäkçelege başlığı Mäsud Barzani 7 nçe iyün’dä säyäsi partiyälär belän ütkärgän cıyılış azağında ozaq waqıt bäxäsläşelgän bäysezlek referendumınıň 25 nçe sentyabr’dä ütkäreläçägen beldergän ide.

Ğiraq prem’yer-ministrı Xäydär äl – İbadi isä Barzaninıň bu belderüennän soň referendumnıň Töp Qanunğa qarşı buluın belderep,referendum näticäsen tanımayaçaqların  citkergän ide.