Guterres BMO iminlek şurasına xat cibärgän

 Berläşkän Millätlär Oyışması ğomum särqätibe Antonio Guterres xalıqara cämğiyät’ne Arakandağı krizisnıň tağın da köçäyüen totqarlarğa çaqırğan.

Guterres M’yanmanıň Arakan vilayätendäge qırıslıq waqiğaları belän bäyle borçıluları turında BMO iminlek şurasına xat cibärgän.  

Arakandağı iminlek, humanitar wäzğiyät’ häm xoquq bozularnıň borçuğa saluın beldergän Guterres soňğı 5 yılda töbäktä öçençe zur külämle qırıslıq dulqınınıň küzätelüenä basım yasağan.

İminlek täêmin itüdä töp cawaplılıqnıň M’yanma xökümätendä buluın beldergän Guterres BMO iminlek şurasın da bu mäs’älädä êşkä kereşergä çaqırğan.

Berläşkän Millätlär Oyışmasınıň balalarğa yärdäm itü fondı YUNİSEF ğomum direktorı Anthony Lake da yazma belderüendä 25 nçe avgusttan birle Bangladeşqa qaçqan 125 meňnän kübräk arakanlı qaçaqnıň 80%ın xatın-qızlar häm balalar täşkil itüen beldergän.