Qıtaynıñ möhim turizm töbägendä cirteträw

Qıtaynıñ kön’yaq-könbatışında barlıqqa kilgän 7 zurlığındağı cirteträwdä, berençe mäğlümatlärgä kürä, 13 keşeneñ ğomere özelgän.

Sıçuan vilayätendäge zilzilädä 175 keşe dä yaralanğan.

“Şinhua” agentlığı xäbär itüençä, Sıçuannıñ Ciucaygou vilayät üzägendä sişämbe könne cirle waqıt belän 21:19da barlıqqa kilgän zilzilä cirneñ 20 çaqrım astında terkälgän.

Êzläw häm qotqaru çaraları däwam itkän töbäktä küp sanda binanıñ cimerelüe yäki zıyan kürüe dä assızıqlanğan.

Zur şarlawıqları häm karstlı cir räweşläre belän mäşhür milli park bulğan Ciuzai üzänlege urnaşqan Ciucaygou ilneñ iñ möhim turistik yünäleşlärennän berse.

Şul uq waqıtta Ciucaygouğa yaqınça 3 meñ çaqrım yıraqlıqtağı Sincañ uyğır töbägendä dä çärşämbe irtäsendä 6,6 zurlığında cirteträw barlıqqa kilgän.

Cirneñ 11 çaqrım astında barlıqqa kilgän zilzilä Cinghe vilayätendä terkälgän.

Qıtayda cirteträw sızıqları ilneñ kön’yaq-könbatışındağı Sıçuan töbägennän tön’yaq-könbatışındağı Sincañ uyğır üzidaräle töbägenä cäyelgän mäydannardan uza.