AQŞ Parij klimat kileşüennän çigengän
Bu xaqta ilbaşı Donal’d Tramp beldergän
Amerika Quşma Ştatları Parij klimat kileşüennän çigengän.
AQŞ ilbaşı Donal’d Tramp Klimat kileşüeneñ ileneñ faydasına bulmawın,iq’tisadqa kiräksez yök buluın citkergän.
Tramp kileşüneñ klimat üzgäreşenä qarşı köräşne tügel, qatnaşuçı illärgä Amerika iq’tisadına qarşı êkonomik östenlek qazandırunı maqsat itep quyuın alğa sörgän.
”İlemne häm watandaşlarımnı saqlaw, yaqlaw öçen kileşüdän waz kiçäbez” dip äytkän Tramp ,tağın da ğadel kileşü tözelüe öçen söyläşülärne däwam itteräçäklären beldergän.
2015 nçe yılda Parijda ütkärelgän 21 nçe BMO klimat üzgäreşe yaqlar konferenśiyäsendä raslanğan älege kileşüne 2016 nçı yılnıñ aprel’ ayında New – Yorktağı BMO ğomum üzägendä aralarında AQŞ, Qıtay häm Törkiyä dä bulğan 190 nan kübräk il imzalagan ide.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte
