Rusiya wäkillegen Medvedev citäkläyäçäk

 Rusiya Federaśiyäse prem’yer – ministrı Dmitriy Medvedev 22 nçe mayda İstanbulda uzaçaq Qara diñgez iqtisadi xezmättäşlek oyışmasınıñ däwlät häm xökümät başlıqları sammitında qatnaşaçaq.

Rusiya Federasiyäse matbuğat ofisı beldergänçä, cıyılışta qatnaşaçaq Rusiya wäkillegen Medvedev citäkläyäçäk.

Yuğarı däräcäle oçraşu kön tärtibendäge töp mäs’älälär isä – äğ’za illär arasında çik ar’yağı yulları, diñgez häm ênergiya asqormaların kamilläşterü, xezmättäşlekne üsterü.

Cıyılışta şulay uq yañartıla ala torğan ênergiya , yäşel texnologiya, keçkenä häm urta külämle êşxanälär,cirle citäkçeleklär häm töbäk illäreneñ êksport potenśialın arttıru mäs’äläläre dä qaralaçaq.