Rusiyä şımçısı üterelgän

“DEAŞ” terror oyışması Süriyädä Rusiyä şımçısın ütergän

728647
Rusiyä şımçısı üterelgän

Süriyädä häm Ğiraqta cirlären yuğaltırğa däwam itüçe “DEAŞ” terror oyışması totıp alğan Rusiyä küzläw oyışması FSB öçen êşläwçe ber şımçını ütergän.

Agentnıñ buğazı kiselgän 12 minutlıq urısça videoyazma Rusiyäneñ 2nçe Bötendönya suğışınıñ betüe qotlanğan Ciñü könendä kürsätelgän.

Süriyädä töşerelgän dähşät videoyazmasında tağın öç äsirneñ urısça söyläşüe işetelä.

Terror oyışması moñarçı da oxşaş propaganda videoların kürsätkän, bu videoyazmalarda qayber Rusiyä xärbiläreneñ üleme töşerelgän ide.

Mäskäw citäkçelege älegä bu videoyazmağa qağılışlı belderü yasamağan.

Rusiyä saqlanu ministrlığı monnan alda 2015nçe yılnıñ sentyabr’ ayınnan birle operaśiyälär alıp barılğan Süriyädä 30ğa yaqın ğaskärineñ ülüen citkergän ide.

Rusiyä Törkiyä häm İran belän uzğan atnada bäreleşsezlek kileşüenä qul quydı.

Dimäşq rejimın yaqlawçı Mäskäw dekabr’ ayında da Xälebtağı küçerülär (êvakuaśiyälär) öçen Törkiyä belän bergä xäräkät itkän ide.

“DEAŞ” terror oyışması xäzerge waqıtta Ğiraqta (Ğıyraqta) Musulda häm Süriyädäge üzäge Rakkada qamaw astında totıla.

Oyışmanıñ könbatıştağı iñ zur üzäge Äl Bab isä Törkiyäneñ “Färat qalqanı” xäräkäte belän 23nçe fevral’dä kire alındı.

“DEAŞ” uzğan yılda qulındağı cirlärneñ dürttä bersen yuğaltqan.

2014nçe yıldan birle Ğiraqta yuğaltqan mäydan isä 65%.

Ğiraqta (Ğıyraqta) Fällucä häm Liviyada Sirtä kebek şähärlärdän çistartılğan qanlı oyışma Musulnı da yuğaltqan oçraqta barı tik Rakkada qısılıp qalaçaq.



Bäyläneşle xäbärlär