Lavrov - Tillerson söyläşüe

Rusiyägä kitkän AQŞ däwlät särqätibe Lavrov belän söyläşü ütkärgän

711638
Lavrov - Tillerson söyläşüe

Rusiyäneñ tışqı êşlär ministrı Sergey Lavrov Vaşington citäkçelege belän Süriyädä monnan alda tözelgän “hawa kiñlege kileşüe”neñ yañartılaçağın äytkän.

Lavrov räsmi säfär belän Mäskäwgä kitkän Amerikan xezmättäşe Reks Tillerson belän matbuğat oçraşuı oyıştırğan.

Ministr Lavrov Amerika Quşma Ştatları belän Süriyäneñ İdlib şähärendä 4nçe aprel’ könne oyıştırılğan ximik höcümneñ tikşerelüe mäs’äläsendä kileşülären citkergän.

İke ilneñ Süriyä problemasınıñ çişeleşe mäs’äläsendä xezmättäşlekne däwam itterü qararın da aluların beldergän Rusiyä ministrı monıñ säyäsi yullardan buluı mäs’äläsendä ber fikerdä buluların citkergän.

Soñınnan süzne alğan Tillerson isä Süriyä rejimınıñ ilneñ 50 urınına xlor bombası häm törle ximik qorallar qullanuın açıqlağan.

Lavrov belän Tillerson Tışqı êşlär ministrlığınıñ Qunaq yortında 5 säğat tiräse däwam itkän söyläşü ütkärgän ide.

Rusiyä däwlät başlığı Putin soñınnan Tillersonnı Kreml’dä qabul itkän ide.

Mäskäw häm Vaşington 2015nçe yılda Süriyä hawa kiñlegeneñ imin qullanıluı mäs’äläsendä ber törkem bäxäslärdän soñ “oçış iminlegen küzdä totuçı memorandum” imzalağan ide.



Bäyläneşle xäbärlär