Käşmir töbägendä ut

Hindıstannıñ Cammu Käşmir töbägendä iminlek köçläreneñ ara saylawğa reakśiya beldergän keşe törkemenä ut açuı näticäsendä 8 keşeneñ ğomere özelgän, 100dän artıq keşe yaralanğan.

Räsmi zatlar töbaktä oyıştırılğan ara saylaw waqıtında iminlek köçläreneñ 8 ğayepsez keşene üterüenä reakśiya belderü öçen protestçılar yasağan cıyın çaqıruınnan soñ mäktäplärneñ häm êş urınnarınıñ yabıluın beldergän.

Hindıstan häm Paqıstan arasında Angliyadan bäysezleklären qazanğan 1947nçe yıldan bügengä qadär bäxäs mäs’äläse bulğan Käşmirdä 70 meñ keşe qırıslıq waqiğalarında yaqtı dönyadan kitkän.

Cammu Käşmirdäge qarşılıq kürsätüçe törkemnär 1989nçı yıldan birle bäysez bulu yäisä Paqıstanğa bäylänü öçen çaralar oyıştıra.