2 meñ 12 fälästinle bala üterelgän

Xalıqara balalarnı saqlaw xäräkäte soñğı 16 yılda İzrail köçläre häm yähüd bistäse xalqı tarafınnan 2 meñ 12 fälästinle balanıñ üterelüen açıqlağan.

Xalıqara kileşülärgä bäyle bala xoquqların saqlaw maqsatı belän 1979nçı yıldan birle êşçänlek başqaruçı Xalıqara balalarnı saqlaw xäräkäte soñğı xisabında fälästinle balalar belän bäyle açı çınbarlıqlarnı terkägän.

Xisapta Yordannıñ könbatış üzänlege, Qudüs-Yerusalim häm Ğazzädä soñğı 16 yılda İzrail köçläre häm yähüd bistäse xalqı tarafınnan 2 meñ 12 fälästinle balanıñ üterelüe açıqlanğan.

İzrailneñ ğailälärne cäzağa tartu öçen balalarnıñ mäyetlären tuğannarına tapşırmawına da iğtibar cälep itelgän.

Açıqlawlarda qağılğısızlıq säyäsäteneñ fälästinlelärne üterüçe İzrail ğaskäriläreneñ xökemgä tartıluına kirtä buluı assızıqlanğan.

Xisapta ayıruça İzrail citäkçelegenä qamalış säyäsäten häm balalarnı üterüne tuqtatırğa çaqıru yasalğan.