Kolumbiyada su basu

Su basu fäläkätendä ülüçelär sanı 250dän artqan

Kolumbiyada su basu

Kolumbiya däwlät başlığı Huan Mauêl’ Santos ilneñ kön’yaq könbatışındağı Putumayo töbägendä barlıqqa kilgän su basu häm cir şuışuı afätendä yaqtı dönyadan kitüçelär sanınıñ 254kä citüen açıqlağan.

Santos sośial’ media xisabında yasağan açıqlawında köçle yawım-töşem kiterep çığarğan cir şuışular arqasında Mokoa şähärendä qayber mäxällälärneñ yuqqa çığuın beldergän.

Ülüçelär arasında 44 balanıñ buluına işarät itkän Santos meñnän artıq ğaskäri häm poliśiya qatnaşında töbäktä êzläw, qotqaru êşçänlekläreneñ däwam itüen beldergän.

Xäräbälär astındağı soñğı keşe çığarılğançı êşçänleklärneñ däwam itäçägenä iğtibarnı cälep itkän ilbaşı Mokoanı qabat tözekländerü öçen investiśiyaneñ kerteläçägenä süz birgän.

Töbäktä küzätelgän köçle yawım-töşem Mokoa, Mulato häm Sankoyako yılğalarınıñ taşuına säbäpçe bulğan häm şimbä könne irtänge säğatlärdä barlıqqa kilgän cir şuışular Mokoa şähärendäge qayber mäxällälärne kartadan sörtkän ide.

Ekvador häm Peru çigendä urnaşqan Putumayo töbäge başqalası Mokoada 45 meñ keşe yäşi.



Bäyläneşle xäbärlär