Gvatemalada tulay toraqta yanğın

Urta Amerika illärennän Gvatemala başqala Gvatemala Sitiğa yaqın ber cirdä urnaşqan tulay toraqta çıqqan yanğında 22 qız bala yaqtı dönyadan kitkän.

Qızlar 14-17 yäşlärendä bulğan.

Yanğın xäbären alğan qızlarnıñ tuğannarı tulay toraqqa kilep citkän.

Tulay toraqta yäşägän qızlar köçlänülären citkerep, şimbä könne rizasızlıq belderä başlağan ide.

Toraqtağı rizaszılıqqa poliśiya qatışqan, 60 tiräse qız bala isä qaçqan ide.

Poliśiya berençe mäğlümatlarğa kürä yanğın säbäbeneñ ber törkem qıznıñ tüşäklären yandıruı buluın açıqlağan.

Toraqta kübräk 18 yäşe tulmağan öysez yäisä xezmät belän tözätü koloniyalärendä bulğan qız balalar yäşi ide.

600 keşe öçen tözelgän toraqta yanğın waqıtında 800 keşeneñ buluı çamalana.

Faciğadan soñ ildä 3 kön milli matäm iğlan itelgän.

Gvatemalanıñ qanun çığaru organı bulğan Cömhüriyät kongressı isä yanğın belän bäyle bularaq şunduq tikşerüneñ açıluın sorağan.

Qayber xökümät räsmi zatları da tulay toraqtağı şartlarnı tänqitli ide.