“Afrikanıň 4 ilendä 20 million keşegä açlıq qurqınıçı yanıy”

Bu xaqta Xalıqara migraŝiya oyışması beldergän

“Afrikanıň 4 ilendä 20 million keşegä açlıq qurqınıçı yanıy”

 

 

Xalıqara migraŝiya oyışması Afrikanıň 4 ile Kön’yaq Sudan,Somali, Yämän häm Nigeriyäneň tön’yaq-könçığışında 20 million keşegä açlıq qurqınıçı yanawın häm bu krizisnı çişü öçen xalıqara cämğiyät’ne êşkä kereşergä çaqırğan.

Oyışma süzçese Joel Millman Berläşkän Millätlär Oyışmasınıň Jenevadağı ofisında ütkärelgän matbuğat oçraşuında köçle qorılıq, bäreleşlär,totrıqsızlıq ,qırıslıq häm iqtisadnıň naçarayuı näticäsendä bu illärneň qayber töbäklärendä qıtlıq küzätelüen beldergän.

Millman:” Bu wäzğiyät’ millionnarça keşeneň tormışına qurqınıç tudırdı ,alarnı azıq-tölek häm su êzläwgä mäcbür itte”,-digän.

Kön’yaq Sudanda 20 nçe fevral’dä bäreleşlär häm totrıqsızlıq säbäbe belän qıtlıq iğlan itelüen beldergän süzçe Somalida da humanitar wäzğiyät’neň könnän kön naçaraya baruına basım yasağan.

Millman Somalida 1 nçe ğinwardan alıp 26 nçı fevral’gä qadär 138 meň keşeneň yäşägän cirlärennän küçep kitüen ,şaqtıy sanda keşeneň azıq-tölek êzläp Êfiopiya çik buyına yul totuın citkergän.

Yämändä dä 17 million 100 meň keşeneň azıq-tölek citmäwdän integüen belderüçe süzçe ilneň qayber töbäklärendä qıtlıqqa qarşı köräş alıp barıluın assızıqlağan.

 



Bäyläneşle xäbärlär