Ant itü tantanasına berniçä kön qaldı

Tantanada Törkiyädän tışqı êşlär ministrı Mäwlüt Çavuşoğlu qatnaşaçaq

653425
Ant itü tantanasına berniçä kön qaldı

Amerika Quşma Ştatlarında 8nçe noyabr’ könne uzğan ilbaşı saylawında ciñü yawlağan Donal’d Tramp comğa könne oyıştırılaçaq ant itü tantanası belän däwlät başlığı wazifasın qabul itep alaçaq.

Başqala Vaşingtonda uzaçaq tantanada AQŞnıñ 44nçe ilbaşı Barak Obama wazifasın Trampka tapşıraçaq.

Şaqtıy ildän wäkil qatnaşaçaq tantanada Törkiyädän tışqı êşlär ministrı Mäwlüt Çavuşoğlu bulaçaq.

Çavuşoğlu AQŞqa barıp, Donal’d Tramp wazifanı qabul itep alaçaq ant itü tantanasında qatnaşaçağın açıqladı.

Kongress binası aldında ant itü tantanası belän başlanaçaq çara protokolnıñ Pensil’vaniya prospektınnan Aq Yortka taba baruı belän azağına yaqınlaşaçaq.

Üzqimmäte 200 million dollar buluı kötelgän ilbaşı wazifasın qabul itep alu tantanası 20nçe ğinwar comğa könne uzaçaq. Başqala Vaşingtonnıñ barlıq iğtibarı tantanada bulaçaq.

Kiñ alanğa xärbi bulmağan transport çaraları kertelmäyäçäk comğa könendä metro häm avtobus kebek cämğiyät transportı da Kongress belän Aq Yort arasındağı urınnarda yörmiyäçäk.

Donal’d Tramp Aq Yorttağı ilbaşı urınına utıraçaq berençe köndä närsälärneñ barlıqqa kiläçägen bar Amerika xalqı qızıqsınu belän kötä.



Bäyläneşle xäbärlär