Bolgariyanıñ yaña ilbaşı – Radev

Bolgariya Sośialist partiyäse namzäte Rumen Radev ilbaşı saylawınıñ ikençe turında 59,4% tawış cıyıp ciñügä ireşkän

609891
Bolgariyanıñ yaña ilbaşı – Radev

 

Bolgariyada ilbaşı itep Hawa Köçläreneñ êlekke komandirı otstavkadağı general Rumen Radev saylanğan.

Töp oppoziśiyädäge Bolgariya Sośialist partiyäse namzäte Rumen Radev ilbaşı saylawınıñ ikençe turında 59,4% tawış cıyıp ciñügä ireşkän.

Saylaw näticäse bilgele bulğannan soñ prem’yer-ministr Borisov 2 kön êçendä wazıyfasınnan kitäçägen beldergän.

Şulay itep Bolgariyada yazın waqıtınnan êlek saylaw ütkäreläçäk.

İldä korrupśiyägä qarşı köräşäçägen beldergän Radev qaçaqlarnıñ Bolgariyağa kilüenä dä qarşı çığa.

 



Bäyläneşle xäbärlär