“Tramp - ilbaşıbız tügel”

AQŞta Trampka qarşı protest çaraları däwam itä

609544
“Tramp - ilbaşıbız tügel”
chicago’da trump karşıtı gösteriler.jpg
abd, trum karşıtı gösteriler.jpg

Amerika Quşma Ştatlarında 8nçe noyabr’ könge ilbaşı saylawında ciñü yawlağan Donal’d Trampka qarşı ildä protest çaraları däwam itä.

N’yu Yorkta yaqınça 20 meñ keşe Manhettendağı Yunion mäydanında cıyılğan. 5nçe prospekt aşa Tramp Tawerğa qadär şiğarlär äytep, barğan protestçılar andağı wazifalı häm qayber poliśiya xezmätkärläreneñ binadan uramğa qarawınnan soñ tawışların tağın da kütärgän.

Protestçılar “Möselmannanr xuş kildegez!”, “Xaqqıñ öçen köräş”, “Dönyağa xalıqnıñ çın tawışın kürsät”, “Bezneñ ilbaşıbız tügel” dip yazılğan plakatlar kütärgännär.

Rizasızlıq belderüçelär “Minem ilbaşım tügel”, “Tramp kitsen”, “Qara tänlelärneñ tormışı möhim” şiğarlären dä äytkän.

Protestçılar arasında bulğan rejissyer Maykl Murnıñ kesä telefonı belän yış qına räsemgä töşerüe kürelgän.

Kiñ qırlı iminlek çaraların kürgän poliśiya törkemnäre protestçılarnı barrikada êçendä totqanda Tramp Tawer urnaşqan prospektnı da yapqan.

Los Andjeles häm Çikagoda da Trampka qarşı cıyınnar oyıştırılğan.

Çikago şähärendä Kluczynski Federal’ binası aldında protestçılar cıyılğan, şulay uq Millenium parkında da çara oyıştırılğan. Parkta cıyılğan protestçılar şiğarlär äytep, şähär uramnarınnan barğan.



Bäyläneşle xäbärlär