“10 meñ bala qaçaq xälendä”

Bu xaqta Berläşkän Millätlär Oyışması ğomum särqätip süzçese Stefane Dujarric beldergän

603705
“10 meñ bala qaçaq xälendä”

 

Berläşkän Millätlär Oyışması ğomum särqätip süzçese Stefane Dujarric könlek matbuğat oçraşuında Ğiraqnıñ Musul qalasındağı wäzğiyätne bäyälägän.

Süzçe Musulnı azat itü operaśiyäse başlanğannan bügenge köngä qadär 22 meñ keşeneñ yäşägän cirlären taşlap kitärgä mäcbür buluın beldergän.  

Stefane Dujarric BMOnıñ balalarğa yärdäm itü fondı IMF mäğlümatlarına kürä bolardan 10 meñeneñ balalar buluın citkergän.

BMO ğomum särqätibe süzçese “DEAŞ”tan qotqarılğan awıllardağı 25 meñ keşegä azıq-tölek, su häm daru yärdäme cibärelüen dä beldergän.

Ğiraqnıñ ikençe zur şähäre Musulnı “DEAŞ” terror oyışmasınnan arındıru öçen Ğiraq armiya berlekläre, päşmärgä köçläre häm kübese Başika lagerındağı törek ğaskärläre uqıtıp –öyrätkän Ninova möcahidläre 17 nçe oktyabr’dä operaśiya başlatqan ide.



Bäyläneşle xäbärlär