Şirkät xucası xezmätkärlärenä fatir häm avtomobil’ büläk itkän

Hindıstanda qimmätle asıltaşlar êksportlawçı şirkätneñ xucası Svji Dholakia xezmätkärlärenä 1260 avtomobil’ häm 400 fatir büläk itkän.

İlneñ almaz patşası bularaq tanılğan bay êşmäkär Svji Dholakia qayber xezmatkärlärenä qimmätle yuvelir äyberlär dä taratqan.

Şirkät xucası iñ yaxşılarnı 5500 keşe arasınnan saylap alğan.

Büläklärneñ bäyäse 7 million 770 meñ dollar täşkil itkän.  

Dholakia 2 yıl êlek tä 1200 xezmatkären 200 fatir,400 avtomobil’ häm bik zatlı 500 asıltaş belän büläklägän bula.

70 tän kübräk ilgä êksport başqaruçı şirkät xucası büläklärne tapşıru tantanasında bolay dip beldergän:”Ber genä närsä dä minem xezmätkärläremnän qimmätle,qaderle tügel. Alarnı bäxetle itep kürü mine niçek şatlandıra, monı süzlär belän añlatu mömkin tügel.Xezmätkärläregezne şatlandırsağız Täñre dä sezne söyenderer”.