“Yämändäge bäreleşlärdä 1163 balanıñ ğomere özelgän”
Bu xaqta BMOnıñ Balalarğa yärdäm itü fondı YUNİSEFnıñ Yämän başqalası Sanadağı ofisınnan yasalğan yazma belderüdä citkerelgän
Yämändä husilär häm bärep töşerelgän ilbaşı Ali Abdullah Salih tarafdarları belän xökümät köçläre arasında 2015 nçe yılnıñ mart ayınnan başlap xäzerge waqıtqa qadär däwam itkän bäreleşlärdä ğomere özelgän 10 meñ keşedän 1163 en balalar täşkil itä.
Berläşkän Millätlär Oyışmasınıñ Balalarğa yärdäm itü fondı YUNİSEFnıñ Yämän başqalası Sanadağı ofisınnan yasalğan yazma belderügä kürä,älege bäreleşlärdä 1730 bala yaralanğan.
Yämändäge suğışta barlıq yaqlarnıñ balalarnı qullanuları assızıqlanğan belderüdä bu wäzğiyätneñ 2016 nçı yılda 7 tapqırğa artuı häm yaqınça 1200 balanıñ suğışırğa mäcbür itelüe,monıñ dokumentlar belän isbatlanuı citkerelgän.
Belderüdä şulay uq uzğan yıl bäreleşlärneñ artuı näticäsendä 780 mäktäpneñ öleşçä yäisä tulısınça cimerelüe häm näticädä yaqınça 350 meñ balanıñ mäktäpkä kitä almawına basım yasaldı.
YUNİSEF beldergänçä, Yämändä yaqınça 10 million bala aşığıç humanitar yärdämgä moxtac.
Bäyläneşle xäbärlär
Törmädän 37 mäxkümne yalğış irekkä cibärgännär
Angliyädä 10nçe sentyabr’dä başlanğan amnistiyä programmasına yalğış keşelär êläkkän