Şveyśariya 30 qaçaqnı qabul itkän

Şveyśariya xökümäte Awrupa Berlegeneñ qabat urnaştıru programması qısalarında berençe tapqır Süriyäle 30 qaçaqqa işeklären açqan.

Şveyśariya xäbär agentlığı SDAğa açıqlaw yasağan Migraśiya däwlät särqätiplege räsmi zatı Giery Cavelty xökümätneñ Greśiyadä urnaşqan häm kübese ozaq waqıt bäreleşlär barğan töbäklärdän kilgän 30 Süriyälene qabul itüen äytkän.

Greśiyadäge qaçaqlarnıñ kilüeneñ Awrupa Berlegeneñ qabat urnaştıru çığımnarın tüläwne kire qağuı arqasında soñaruın añlatqan Cavelty çığımnarnıñ monnan soñ üzläre tarafınnan tülänüen citkergän.

Cavelty qaçaqlarnıñ Şveyśariyadä standart qaçaq qanunına kerteläçägen açıqlağan.

Şveyśariya xökümäte 2015nçe yılda Süriyädäge bäreleş töbäklärennän 3 meñ qaçaqnı qabul itäçägen açıqlağan ide.

BMOnıñ Qaçaqlar yuğarı komissariatı süzçelärennän William Spindler da uzğan yılnı Awrupa Berlege belän äğza illär arasında kileşü täêmin itelgän Greśiya häm İtaliyadağı qaçaqlarnı qalğan Awrupa illärenä urnaştıru planınıñ barı tik 3% tiräse çınğa aşuın äytkän ide.