"Ägär töreklärgä birgän süzegezne totmasağız bik tiz ükenersez"

Amerika  Quşma Ştatlarınıñ êlekke Änkara tulı wäkalätle ilçese James Jeffrey PKK terror oyışmasınıñ Süriyä berämlege PYDnıñ Fırat yılğasınıñ könbatışına kiçmäw mäsäläsendä AQŞnıñ Törkiyägä birgän süzen totmağanın belderde.

Jeffrey “BBC Radio”da qatnaşqan ber tapşıruda Törek Qorallı Köçläre urtaq maxsus wazıfa köçe häm koaliśiya hawa köçläre tarafınnan Süriyäneñ Törkiyä çik buyı sızığındağı Cerablus töbägendä  terror qurqınıçlarına qarşı alıp barılğan Fırat Qalqanı xäräkäte belän bäyle sorawlarğa cäwap birgän.

DAEŞ terror oyışmasınıñ Amerika Quşma Ştatları häm Törkiyä öçen qurqınıç tudırğanın telgä kitergän Jeffrey PKK terror oyışmasınıñ Süriyä berämlege bulğan häm kübesençä ğäräplärneñ yäşägän  töbäklärne qulğa töşerergä tırışqan PYDnıñ isä Törkiyä öçen “qisken räweşle ber qurqınıç” buluın assızıqlağan.

Obama idaräseneñ açıq cirdä DAEŞkä qarşı suğışqannarı öçen PYDne xuplağannarın fäqät bu terror oyışmanıñ barı tik ber maqsatınıñ DAEŞ bulmawın, könbatışta ber näselne  barlıqqa kiterergä telägänen añlatqan Jeffrey:

“Töreklär DAEŞkä häm bu qurqınıçqa qarşı suğışa häm Amerika Quşma Ştatları da iñ az räsmi bularaq  monı xuplağanın söyläde”,digän süzlärne qullandı.

Jeffrey :

“Amerika Quşma Ştatları Viśe-prezidentı Joe Biden Änkarada Törkiyägä tögäl ber räweştä PYDneñ Fırat yılğasınıñ könçığışında qalaçaqların häm könbatışındağı cirlärne qulğa töşerergä tırışmayaçaqlar dip süz birde. Töreklär monı qabul itä fäqat alar (PYD) könçığışqa çigenmäde”,-dip äçıqlağan.

Jeffrey AQŞnıñ birgän süzne totmağanın söyläp:

“Minem 35 yıllıq täcribäm, ägär töreklärgä birgän süzegezne totmasağız bik tiz ükenersez”  digän süzlärne östägän.