Kolumbiyada tınıçlıq kileşüe

İldä 52 yıllıq watandaşlar suğışı azağına yaqınlaşqan.

558969
Kolumbiyada tınıçlıq kileşüe

Kolumbiya İnqilapçı qorallı köçläre belän Kolumbiya xökümäte arasında yaqınça 4 yıl buyı Kubada alıp barılğan söyläşülärdä soñğı kileşü tözelgän.

52 yıllıq suğışnı azağına yaqınlaştırğan “tarixi” tınıçlıq kileşüe Kuba başqalası Havanada imzalanğan.

İmza tantanasınnan soñ yasalğan urtaq açıqlawda “soñğı, tögäl häm qatği kileşü”neñ tözelüe citkerelgän.

Sentyabr’ azağında yäisa üktäbr’ başında taraflar küreşäçäk.

Bu täraqqıyätlärdän soñ Kolumbiya xökümäte belän Kolumbiya İnqilapçı qorallı köçläre arasındağı tınıçlıq urnaştıru barışın tikşeräçäk ber BMO missiyaseneñ töbäktä wazifa başqaruı kötelä.

Tınıçlıq urnaştıru barışı kübese Latin Amerika häm Karaip illäre cämğiyätlärennän kiläçäk qoralsız küzätüçelär tarafınnan da küzätep barılaçaq.

Amerika Quşma Ştatları däwlät başlığı Barack Obama Kolumbiya ilbaşı Juan Mauel Santosqa şaltıratıp, tınıçlıq urnaştıru kileşüe belän qotalağan.

AQŞ häm Awrupa Berlege tarafınnan terror oyışması bularaq qabul itelgän häm suğışçı sanı ber waqıt 17 meñnärgä citkän Kolumbiya İnqilapçı qorallı köçläreneñ soñğı tapqır 7 meñ suğışçısı bar ide.

Kolumbiyada soñğı 52 yıllıq barışta taraflar arasında barlıqqa kilgän qorallı bäreleşlärdä 220 meñnän artıq keşeneñ ğomere özelgän.

6 million tiräse keşe dä üz iminlekläre öçen öylären taşlap kitärgä mäcbür qalğan.



Bäyläneşle xäbärlär