“Törkiyä belän yañadan törle yaqlı mönäsäbätlär urnaştıru öçen tırışabız”

Rusiya Federaśiyäse däwlät başlığı Vladimir Putin Törkiyä belän yañadan törle yaqlı mönäsäbätlär urnaştıru öçen tırışuların beldergän.

Qazaqstan ilbaşı Nursoltan Nazarbayev belän Soçida uzğan oçraşunıñ matbuğatqa açıq öleşendä çığış yasağan Putin Törkiyä ilbaşı Räcäp Tayyip Ärdoğan belän oçraşuı häm Rusiya –Törkiyä mönäsäbätlären cayğa salu xaqında belderülär yasağan.

Putin:”Dustıbız häm ozaq yıllar xezmättäşlek başqarğan Törkiyä belän mönäsäbätlärebezne törle yaqlap qabat urnaştıru öçen tırışabız. Ärdoğannıñ Rusiyägä soñğı säfäre ike yaqlı mönäsäbätlärne qabat canlandıru öçen genä tügel, kamilläşterü üsterü öçen dä kiñ qırlı êşçänlek başqarunı ike yaqnıñ da teläwen kürsätte”,-digän.

Rusiya Federaśiyäse däwlät başlığı Vladimir Putin Törkiyä - Rusiya mönäsäbätlären cayğa saluda tırışlıq kürsätkän öçen Nazarbayevqa da räxmät äytkän.

Nursoltan Nazarbayev ta Änkara belän Mäskäw arasında mönäsäbätlärneñ normalläşüennän qanäğät qaluın citkergän