Misır Törkiyä belän yaqınayu tırışuınnan qänäğät
Misır citäkçelege Törkiyä belän yaqınayu mäs’äläsendä sarıf iteläçäk tırışularnıñ qänäğätlelek belän qarşılanıluın beldergän.
Tışqı êşlär ministrlığı süzçese Ahmäd Äbu Zäyd “CBC” Misır televideniyäsenä birgän äñgämäsendä: Törkiyä belän xalıqara qanunnar, yaxşı kürşe mönäsäbätläre häm ike yaqlı xezmättäşlek nigezläre qısalarında yaqınayunı maqsat itkän tırışularnı qänäğätlelek belän qarşılıybız”, - dip äytkän.
Misır belän Törkiyä mönäsäbätläreneñ xäzerge torışınıñ tabiği bulmawına basım yasawçı Äbu Zäyd ike yaqlı mönäsäbätlärneñ Misır xalqınıñ iradäsenä xörmät kürsätelüe nigeze qısalarında üseş aluınıñ zarurlığın beldergän. İlbaşı Räcäp Tayyip Ärdoğannıñ Rusiyä Federaśiyäsenä yasağan soñğı säfäre waqıtında töbäk belän mönäsäbätlärdä yaña säxifä açu iradäsen, ixtıyar köçen kürülären assızıqlawçı Äbu Zäyd Törkiyäneñ Misır mäs’äläsendäge belderülären dä şuşı cähättän bäyäläwlären äytep uzğan.
Törkiyä Tışqı êşlär ministrı Mäwlüt Çavuşoğlu uzğan pänceşämbe könne yasağan belderüendä: "Misır belän dä mönäsäbätlärebezne üsterergä telibez. Mönäsäbätlärebezneñ naçar buluın berqayçan da telämädek nigezdä, ämma bu tüntäreleş kereşüennän soñ ireksezdän özelde”, - dip äytkän ide.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde