Kampaniyada imza sanı 100 meñgä citkän

”Fätullahçı terror oyışması/parallel’däwlät qorılışı” citäkçese Fätullah Gülänne Törkiyägä qaytarıp birü öçen Aq Yortnıñ räsmi internet säxifäsendä başlatılğan kampaniyada imza sanı 100 meñgä citkän.

İmza kampaniyasın başlatqan Amerika Quşma Ştatlarındağı törek cämğiyäte wäkilläre monıñ uñışlı tögällänüe uñayınnan New-Yorkta matbuğat oçraşuı ütkärgän.

Kampaniyanı oyıştıruçı “Törkiyä “ törkeme isemennän çığış yasawçı Cahit Oktay kampaniyanıñ üz waqıtınnan êlek maqsat itep quyılğan  sanğa ireşüen assızıqlağan.

Oktay:”Aq Yortnıñ 100 meñ imza limitın öç atnada ütäw belän ğorurlanabız”,-dip äytkän.

Törek êşmäkäre häm aktivist İbrahim Kurtuluş isä inglizçä yasağan çığışında Gülänneñ Amerikada yäşäwennän tınıçsız buluların belderep, anıñ iñ qısqa waqıtta Törkiyägä qaytarıp birelüe kiräklegenä basım yasağan.

Törek xalqının ğadellek teläwen beldergän Kurtuluş “İlbaşı Obamanı NATO berlektäşe Törkiyäneñ yanında bulırğa çaqırabız. Djordj Buş äytkänçä “Sin terrorçı yanındamı, yuğisä bezneñ yandamı?”digän.

Kurtuluş 11 nçe sentyabrdän soñ ayıruça New-Yorktağı cämäğät transportında “Nindi dä bulsa şikle äyber kürsägez ,bu xaqta belderegez”yazularınıñ bik yış kürelüen xäterlätep, “Pensilvanya-Poconoda ber terrorçı yäşi,zarur bulğannı êşlägez”dip beldergän.