“Gülän – Törkiyä häm AQŞ öçen yanaw bulıp tora”

“Waşington Tayms”: “Terror oyışması atamanı Gülän Törkiyä häm Amerika Quşma Ştatları öçen äle haman yanaw bulıp tora”

550578
“Gülän – Törkiyä häm AQŞ öçen yanaw bulıp tora”

Amerika Quşma Ştatlarınıñ “Waşington Tayms” (Washington Times) gazetında çıqqan yazmada “Fätullahçı” (FETÖ/PDY) terror oyışması/parallel däwlät qorılışınıñ atamanı Fätullah Gülänneñ Törkiyä häm Amerika Quşma Ştatları öçen äle haman yanaw buluı belderelgän.

Jurnalist Abraham Wagner yazğan mäqalädä Gülänneñ tınıç küreneşeneñ astında zur yanaw yatuı belderelep, Amerika Quşma Ştatları däwlät departamentınıñ Gülänne "Tınıç totışlı yullamaların naçar häm radikal’ maqsatın yäşerü öçen börkänçek itep qullana”, dip bäyäläwe assızıqlanğan.

Wagner Departamentnıñ şuşı totışına qaramastan Fätullah Gülänneñ tüzemlelekne häm küp mädäniyätlelekne yaqlawı kebek kürenüen assızıqlağan.

Terror oyışmasınıñ Törkiyädäge 15nçe iyül’ tüntäreleş kereşüe dä telgä alınğan yazmada: "Gülänneñ Amerika Quşma Ştatları öçen ähämiyätle bulğan Törkiyädä demokratik yullar belän saylanğan xökümätne bärep töşerergä tırışuı mäğlüm buldı”, - dip äytelgän.

Abraham Wagner yazmasında başlanğıç mäktäpne betergän imam dip telgän alğan Gülänneñ qaydan aluı belenmägän 25 milliard dollarlıq kapitalnı idarä itüen dä beldergän.

Gülän idarä itkän şöbxäle mäktäplär, ictimaği oyışmalar häm êşxanälär turında da äytelgän mäqalädä finans xäräkätläre belän bäyle bularaq FBİ belän bergä şaqtıy ştatta tikşerü açıluı turında mäğlümat birelgän.

Wagner Gülänneñ Amerika Quşma Ştatlarındağı mäğarif êşçänlege yärdämendä yäşlär häm balalar aradaşçılığı belän cämğiyätne üzgärtüne maqsat itüen assızıqlağan.



Bäyläneşle xäbärlär