Franśuz mediası çikne uza

Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüendä törek milläte kürsätkän qaharmanlıqnı qabul itä almağan franśuz mediası Törkiyä xaqındağı çikne uzuçı xäbärlären däwam itterä.

Soñğı sanınıñ berençe bitenä Törkiyä ilbaşı Räcäp Tayyip Ärdoğan räsemen quyğan “Le Point” jurnalı “Törkiyä: könbatışnı qurqıtuçı il” isemle mäqalä äzerlägän.

Mäqalädä yänä Törkiyägä ber törkem tänqit yawa.

Tüntäreleş kereşüennän soñğı täraqqıyätlärne ber taraflı räweştä bäyälägän jurnal tüntäreleşçelärgä qarata qulğa alular belän saq astına alularnı tänqitli.

Monıñ belän dä çiklänmägän jurnal internet säxifäsendä ütkärgän anketada “Ärdoğannıñ Törkiyäse sezne qurqıtamı?” sorawın birä, läkin ömet itkäne barıp çıqmıy.

Anketada qatnaşqan 100 meñnän artıq uquçı 60%tan artıq küläm belän bu tupas sorawğa “yuq” cawabın birgän.