"Balalar suğıştan zur zıyan kürä"
Ban Ki-Moon balalarnıñ bäreleşlärdän saqlanuı öçen çaqıru yasağan
Berläşkän Millätlär Oyışması ğomüm särqätibe Ban Ki-Moon “Balalar häm qorallı bäreleşlär” isemle xisabı xaqında BMO Ğomüm şurasında yasağan çığışında: “Global’ iminlek manzarası tetränderüçe räweştä üzgärä bara. Fäqat ber çınbarlıq üzgärmi: balalar haman da suğıştan zur zıyan kürä,” – digän.
Bäreleşlärdä balalarnıñ turıdan maqsat buluların, integülären, censi yaqtan tınıçsız itelülären, ğarip bulıp qaluların, törmägä utıruların, açlıq kürülären häm üterelülären assızıqlağan Ban: “Alarnıñ öyläre häm mäktäpläre yuqqa çığarıldı. Ğiraq, Nigeriya, Somali, Könyaq Sudan, Süriyä häm Yämän kebek cirlärdä balalar çın cähännäm kürä,” – digän.
Ban çığışında 19nçı sentyabr könne Amerika Quşma Ştatlarınıñ Nyu York şähärendä qaçaqlar mäs’äläse belän bäyle bularaq BMO Möhacirlär häm qaçaqlar oçraşuınıñ ütkäreläçägen belderep, barlıq xökümätlärdän balalarnı saqlaw mäs’äläsenä qarağan oçraşuda fiker häm yöklämäläre belän qatnaşuların sorağan.
