"Gülän - Amerika keşese"
Bu xaqta Rusiya Federatŝiyäse parlamentınıñ tübän palatası Duma xalıq ışanıçlısı Vyaçeslav Nikonov beldergän

Rusiya Federatŝiyäse parlamentınıñ tübän palatası Duma xalıq ışanıçlısı Vyaçeslav Nikonov “Amerika keşese”dip bäyälägän “Fätullahçı terror oyışması”citäkçese Fätullah Gülänneñ Üzäk küzläw oyışması (CIA) belän bik yaqın êlemtäse buluın däğwa itkän.
Nikonov “Fätullahçı terror oyışması”nıñ 15 nçe iyüldäge tüntäreleş kereşüe belän bäyle “Anadolu”agentlığına yasağan belderüendä “Tüntäreleş kereşüeneñ töp figurası Gülän buluı turında uylıym. Xäzerge waqıtta AQŞta yäşäwçe Gülän êş dönyası, media, mäktäplär,universitetlar häm ictimaği oyışmalardan torğan böyek imperatorlıqnı citäkli”dip äytkän.
Rusiya xalıq ışanıçlısı şulay uq “Gülänneñ Törkiyädäge bäyläneşläre bilgele bula başladı. Fäqät monıñ belän berrättän Gülänneñ Amerika keşese buluı bik açıq. Anıñ CIA belän yaqın êlemtäläre bar”digän.
Mäskäw däwlät universitetınıñ Aziya häm Afrika êşçänlekläre institutınıñ Törkiyä belgeçe doŝent doktor Pavel Şlıkov ta bolay dip beldergän:”AQŞ häm Törkiyä barnärsädän elek NATO berlektäşe. Waşingtonnıñ tüntäreleş kereşüe mäs’äläsendä ike il partnerlığına kileşä torğan totış kürsätmäwen küräbez”.
Gülänneñ tüntäreleş kereşüe ğayeben qabul itmäwenä ğacäplänmäwen belderüçe Şlıkov :”AQŞ ilendä qalırğa röxsät birep Gülängä çitlätep yärdäm itä”dip äytkän.
Jurnalist häm tyurkolog Vladislav Vdovin tüntäreleş kereşüeneñ ilbaşı Räcäp Tayyip Ärdoğannı xalıqnıñ küpçelege xuplawın isbatlawın beldergän.
Vdovin:”Ärdoğan tüntäreleş kereşüe waqıtında bik aqıllı adım yasap keşelärne uramğa çığarğa çaqırdı,tüntäreleşçelärneñ uñışqa ireşüen totqarladı”,-digän.