Misır ğäskäre hawa höcümen oyıştırğan

Misır ğäskäreneñ ilneñ tönyaq-könçığışındağı Räfah qalasında urnaşqan qoral häm xärbi kiräk-yaraqlar saqlağıçı maqsat itep alınğan hawa höcümendä 46 keşe ülgän.

541921
Misır ğäskäre hawa höcümen oyıştırğan

Räfah şähäreneñ könbatışında terrorçı törkemnärneñ xärbi kiräk-yaraqları häm qoral saqlağıçları “F-16” xärbi oçqıçları häm “Apaçe” boralaqları belän bombalanğan.

Hawa höcümendä ülüçelär arasında qoral saqlağıçınıñ saqçıları belän bergä “Änsar Bäyt äl-Makdis” isemle oyışmanıñ äydäp baruçılarınnan Sami Şuayb häm Möxämmäd Zäycannıñ da buluı belderelgän.

Telgä alınğan şuşı hawa höcüme belän soñğı waqıtlarda qorallı törkemnärgä qarşı iñ zur yuğaltunıñ birelüe assızıqlanğan.

“Änsar Bäyt äl-Makdis” oyışmasınnan isä nindi dä bulsa ber belderü yasalmağan.

Misır ğäskäre häm iminlek oyışması 2013nçe yılnıñ sentyabr ayınnan birle Sina belän bergä şaqtıy vilayättä "terrorçı häm täkfirçe" dip yörtelgän törkemnärgä qarşı “iminlek köçlären maqsat itep alğan höcümnär oyıştıruı” säbäbe belän operaśiyalar ütkärä.



Bäyläneşle xäbärlär