Tüntäreleş protest itelä
15nçe iyul könge tüntäreleş kereşüenä bar dönyadan reakśiyalär kilergä däwam itä
Fätullahçı terror oyışması/parallel’ däwlät qorılışınıñ 15nçe iyul könge tüntäreleş kereşüenä bar dönyadan reakśiyalär kilergä däwam itä.
Serbiyaneñ könyağında albannar yäşägän Preşeva töbägendä FETÖnıñ tüntäreleş kereşüe protest itelgän.
Preşeva Mädäniyät yortında cıyılğan rizasızlıq belderüçelär Törkiyä ilbaşı Räcäp Tayyip Ärdoğannı xuplağan.
“Preşeva siñeñ belän” şiğarlären äytkän çara oyıştıruçılar Törkiyä bayraqları kütärgän ide.
Protestçılar bernindi köçneñ milli iradägä qarşı kilä almayacağı yullamasın yasağan.
Xatın-qız, ir-at, olısı, keçese Törkiyä Cömhüriyäte häm ilbaşı Ärdoğannı xuplawların citkergän.
Törkiyädäge tüntäreleş kereşüenä Könyaq Afrikadağı şaqtıy ictimaği oyışma da reakśiya beldergän.
Johannesburgta oçraşqan ictimaği oyışma wäkilläre FETÖnıñ tüntäreleş kereşüen ğayepläwçe urtaq açıqlaw yasağan.
Açıqlawda Törkiyäneñ 15nçe iyul könne däwläte häm milläte belän kürsätkän täwäkkäl totışı täqdir itelgän.
Bu qarşılıq kürsätüneñ bar keşelekkä ürnäk buluı häm dönya tarixına keräçäge belderelgän açıqlawda xalıqnıñ tawışı belän saylanğan xaqimiyätkä qarşı xoquqsız yulnı saylamaw zarurlığı assızıqlanğan.
Makedoniyaneñ könbatışındağı Kırçova şähärendä dä Fätullahçı terror oyışmasınıñ tüntäreleş kereşüenä reakśiya, ilbaşı Räcäp Tayyip Ärdoğanğa xuplaw kürsätelgän.
Bäyläneşle xäbärlär
"AQŞ iğ’tibarnı çitkä yünältergä tırışa"
Bu xaqta Rusiya däwlät başlığınıñ matbuğat särqatibe Dmitriy Peskov belderde