“Rusiya belän yaña säxifä açarğa telibez”

Bu xaqta Törkiyä prem'er-ministr urınbasarı Mähmät Şimşäk Mäskäwdä ütkärelgän oçraşularda belderde

538488
“Rusiya belän yaña säxifä açarğa telibez”

Törkiyä premyer-ministr urınbasarı Mähmät Şimşäk häm iqtisad ministrı Nihat Zäybäkçi Rusiya Federaŝiyäse başqalası Mäskäwdä oçraşularda qatnaştı.

Şimşäk häm Zäybäkçi Rusiya iqtisadi qalqınu ministrı Aleksey Ulukayev häm ênergetika ministrı Aleksandr Novak belän küreşep söyläşte.

Mähmät Şimşäk Rusiya räsmi zatları belän soñğı 8 ayda küzätelgän problemalarnı çişü häm mönäsäbätlärne tağın da kamilläşterü xaqında söyläşülären belderep “Rusiya belän yaña säxifä açarğa telibez”dide.

Nihat Zäybäkçi Rusiya iqtisadi qalqınu ministrı Aleksey Ulukayev belän 6 nçı avgustta İstanbulda qabat bergä oçraşaçaqların, Rusiya ênergetika ministrı häm qatnaş iqtisadi komissiya räistäşe Aleksandr Novak belän dä oktyabr ayında yänä İstanbulda yuğarı däräcäle oçraşu ütkäreläçägen citkerde.

İqtisad ministrı Törkiyä watandaşlarına qarata ber yaqlı ğamäldä bulğan vizanı beterü mäs’äläsen dä Rusiya räsmi zatlarına citkerelüen belderde.

Şimşäk häm Zäybäkci Rusiya-Törkiyä mönäsäbätlären cayğa salu barışın tizlätü öçen 26 nçı iyül'dä Mäskäwgä kitkän ide. 



Bäyläneşle xäbärlär