Yaponiyada yaña talӓp

İldä marixuananıñ legallӓşterelüe talӓp itelgӓn

526045
Yaponiyada yaña talӓp

Yaňa Uyanış partiyase meditsina ölkӓsendӓ qullanılğan oçraqta yaman şeş kiterep çığarğan awırtularnı azaytuı, aqılğa zӓğif bulunı qomaçawlawı nigeznamӓse hӓm sӓlamӓtlek çığımnarınınň tübӓnӓytüe maqsatı belӓn kinderbaş, yӓgni marixuananıň legallӓşterelüen talӓp itkӓn.

Reuters agentlığına açıqlaw yasağan Yaňa Uyanış partiyasennӓn saya Takagi: “Yaponiya hӓm dönya arasında tirӓn buşlıq bar. Kinderbaş xaqındağı çınbarlıqnıň kürelüe öçen tıyunıň beterelüen tӓqdim itӓbez,” – digӓn.

Talӓpne Yaponiya xalıq sanınıň zur öleşen tӓşqil itüçe olı yӓştӓge watandaşlar da xuplağan.

78 yӓşlek yaman şeş belӓn awıruçı Kimiko Yajima: “Yaxşı maqsat belӓn qullanılğan oçraqta xastalar öçen monnan da yaxşırağı bulmas ide. Waqıtlıça bulsa da, awrtularıbıznıň ciňelӓytelüe iskitkeç bulır,” – digӓn.

Talӓpne xuplawçılardan iğtibarnı cӓlep itüçe isem isӓ Yaponiya premyer-ministrı Şinzo Abeneň xӓlӓl cefete Akie Abe bulğan.

SPA! Jurnalına açıqlaw yasağan Akie Abe: “Kinderbaş, yӓgni marixuananıň meditsina öçen faydalı bulacağın uylıym,” – digӓn.

Lӓkin Yaponiya xökümӓte ğilmi dӓlil bulmağanı öçen marixuananıň legallӓşterelüenӓ uňay qaramıy.

Amerika Quşma Ştatları hӓm Kanadada marixuana legal’ bularaq meditsina ölkӓsendӓ qullanıla.



Bäyläneşle xäbärlär