Dönyada Ramazan bäyräme
Millionnarça möselman bäyräm namazın uqığan
Törkiyädän ber könnän soñ Ramazan bäyrämen qotlawçı millionnarça möselman bäyräm namazında cämiğlarnı tutırğan.
Azärbaycan meñnärçä möselman bäyräm namazın uqu öçen cämiğlarğa barğan.
Meñnärçä möselman namazdan soñ ilneñ xozur häm iminlege öçen, dönyadağı qalğan illärdäge möselmananr öçen doğa qılğan.
Qudüs-Yerusalimdä Äl-Aqsa äçetendä un meñnärçä möselman bäyräm namazın uqığan. Namazdan soñ İslam illären maqsat itep alğan terror höcümnäreneñ tuqtawı öçen doğa qılınğan.
Äfğanstanda xalıq bäyräm namazın uqu öçen cämiğlarğa ağılğan.
Mezar-ı Şärif şähärenen iñ zur cämiğı bulğan häm Xäzräti Ğalineñ törbäse buluına ışanılğan Rawza aldındağı Yäşel mäçettä namazdan alda cämäğatkä möräcäğat itkän Belh vilayät idaräse başlığı Ata Möxämmäd Nur ildä artqan terror höcümnärenä işarät itep, terrorçılıqqa qarşı bergä köräş itü zarurlığına basım yasağan.
Meñnärçä keşe urın alğan namazdan soñ uqılğan xötbädä berlek häm berdämlekneñ ähämiyäte assızıqlanğan.
Misırlı möselmannar da zur cämiğlar häm mäydannarda qorılğan namaz uqu urınnarında bäyräm namazın uqığan.
Başqala Qahirädäge Äzhär, Amr bin As kebek küp sandağı tarixi cämiğqa quşılıp mäçetlär häm tirä-yaqlarda qorılğan urınnarda bäyräm namazları Äzhär şäyexläre tarafınnan qıldırılğan.
Xötbädä berlek häm söyü yullamaları yasalğan.
Ğiraq başqalası Bagdatta Äbu Hanifä än-Numan cämiğında yözlärçä möselman Ramazan bäyräme namazın uqığan.
Üzbäkstanda başqala Taşkentta meñnärçä keşe bäyräm namazı öçen irtänge säğatlärdä cämiğlarğa ağılğan. Möselmannar yul häm park urınnarında da namaz uqığan.
Taşkenttağı Xäzrät İmam kölliyätendäge bäyräm namazın Üzbäkstan möselmannarı dini idarä başlığı Osmanhan Alimov qıldırğan.
Pekinda urnaşqan Niucie cämiğına ağılğan meñnärçä möselman bäyräm namazların uqığançı işeğaldında qorılğan stendlarda zäkat häm fitr sädaqaların birgän. Cämiğqa kerü urınnarında tığız iminlek çaraları iğtibarnı cälep itkän, cämiğ häm tirä-yağındağı yullar yabılğan.
