İnternetta yaña "ädäp qağidäläre"

Awrupa Berlege Facebook, Twitter, Microsoft häm You Tube kebek texnologiya şirkätläre belän näfrätle süzlärneñ tiz arada sörtelüe mäs’äläsendä kileşkän.

Awrupa Berlege Komissiyase açıqlawına kürä informatika texnologiyaläre şirkätläre internetta urın aluçı mısqıllawçı häm näfrätle süzlär, açıqlawlar häm cömlälärne yaña “ädäp qağidäläre” tärtipkä saluı buyınça sörtergä mäcbür bulaçaq.

İnternetta näfrät, qırıslıq häm oxşaş süzlärgä qarata şiqayätlär şirkätlärneñ bäyläneşle berämlekläre tarafınnan täwlek eçendä bäyäläneläçäk häm kiräkle oçraqta bötenläy sörteläçäk.

Yaña “ädäp qağidäläre” yärämendä Awrupa Berlegendä vizual’ mäydannarda ayıruça ıruğ, tös, din, millät häm etnik kilep çığu ölkälärendä kürelä alınaçaq mısqıllaw häm näfrät süzlärenä kirtä quyu maqsat itelä.