Zur köymä Rotterdamda

Dönyanıñ iñ zur yulçı köymase Titanictan 5 tapqır zurraq bulğan Harmony of the Seas Hollandiyaneñ Rotterdam portına kilep tuqtağan.

Frantsiyadä tözelep, Saint-Nazaire portınnan 15nçe may könne yulğa çıqqan Harmony of the Seas irtänge säğatlärdä Rotterdam portına barıp citkän.

Zur köymäneñ Rotterdan portınnan quzğalıp, Angliyaneñ Southampton şähärenä taba yulğa çığuı kötelä.

STX France şirkäteneñ 32 ayda Frantsiyada tözettergän 362 metr ozınlığında, 66 metr kiñlegendä häm 73 metr biyeklegendäge yulçı köymäse üzqimmäteneñ 1 milliard yevro tiräse buluı açıqlana.

Amerikan kruiz şirkäte Royal Caribbean tarafınnan Urta diñgezdä eşläteläçäk 227 meñ tonna awırlığındağı köymäneñ 6 meñ 360 yulçı häm 2 meñ 100 ekipaj taşuı küzdä totıla.

Titanictan 5 tapqır zur buluı belderelgän häm basseynnar, uyın urınnarı, boz alanı, akvapark, kinoteatr zalları kebek şaqtıy üzençälege bulğan köymädä säyäxät itärgä teläwçelär kabina sıynıfına kürä 400-1200 yevro aqça tüläyäçäk.