“Qaçaq krizisına Awrupada citärlek däräcädä citdi qaramıylar"
Bu xaqta Awrupa iminlek häm xezmättäşlek oyışması ğomum särqätibe Lamberto Zaner beldergän
Awrupa iminlek häm xezmättäşlek oyışması ğomum särqätibe Lamberto Zaner Süriyädäge watandaşlar suğışı yul açqan qaçaq krizisına Awrupada älegä citärlek däräcädä citdi qaramawların beldergän.
Zaner üzäge Waşingtonda urnaşqan Wilson Center töşençä oyışmasında “Qaçaq krizisın kontrol itü mömkinme?”isemle konferentsiyädä çığış yasağan.
Lamberto Zaner Süriyädäge watandaşlar suğışı säbäbe belän millionnarça keşeneñ illärennän kitärgä mäcbür buluın belderep Awrupada qaçaqlar mäs’äläsendä törle fikerlär buluın häm daimi adımnar yasalmawın citkergän.
Awrupanıñ könçığış häm könbatış yağındağı illärneñ qaçaq mäs’äläsendä fikerläre bik törle buluına basım yasawçı Zaner “Mäs’äläneñ citdi buluın haman da añlap betermibez. Awrupa illäre barı tik qısqa möddättä plannar tözi”digän.
Törkiyädä millionnarça süriyäle qaçaqnıñ buluın belderüçe Lamberto Zaner ozın möddätle plannar tözü kiräklegen assızıqladı.
Üz çığışında qaçaq xäräkäteneñ elek könçığıştan könbatışqa taba küzätelüen belderüçe Zaner “Xäzer isä keşelär könyaqtan tönyaqqa yünälä. Bu bäyläneştä Urta diñgez zur ähämiyätkä” dip äytkän.
Ğomum särqätip Zaner Tönyaq Afrika aşa Awrupağa taba başqarılğan küçenülärda qaçaqlarnıñ iminlegenä zur iğtibar birülären assızıqlağan.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde