Çernogoriya NATOğa quşıla

NATO tışqı eşlär ministrları cıyılışında Çernogoriyaneñ ittifaqqa quşıluı raslanğan

494062
Çernogoriya NATOğa quşıla

İttifaqqa äğza illär tışqı eşlär ministrları häm çernogoriya premyer-ministrı Milo Dukanovic imzalardan soñ NATO ştabı aldında räsemgä töşkän.

Çernogoriya belän bäyle tarixi qarar qabul itelgän cıyılışta Törkiyäne tışqı eşlär ministrı Mäwlüt Çavuşoğlu wäkillek itte.

Çernogoriyaneñ NATOğa äğza buluınıñ qatğiläşüe öçen ittifaq äğzaläreneñ parlamentlarınnan da raslaw kiräk.

Bu raslawğa qadär Çernogoriya NATOnıñ barlıq cıyılışlarında küzätüçe häm qunaq bularaq qatnaşa alaçaq.

Raslawdan soñ isä Çernogoriya NATOnıñ 29nçı äğzase bulaçaq.

NATO ğomüm särqätibe Jens Stoltenberg Çernogoriyaneñ NATOğa äğza buluınıñ il tarixında imin çornıñ başlanuın añlatuın äytkän.

Çernogoriya äğzalegeneñ töbäkkä tağın da küp totrıqlılıq häm iminlek alıp kiläçägen açıqlağan NATO ğomüm särqätibe: “Bu, şul uq waqıtta NATO qapqalarınıñ partnerlar öçen açıq buluın kürsätä. Yul ciñel tügel, haman da başqarılaçaq närsälär bar. Läkin Çernogoriya monıñ mömkin buluın kürsätä,” – digän.

Çernogoriya premyer-ministrı Dukanovic isä 16 yıl elek NATO illäre tarafınnan bombağa totılğan ileneñ ittifaqnıñ qalğan illäre belän iñgä-iñ bulacağın belderep: “Bezgä härwaqıt ışana alasız,” – digän.



Bäyläneşle xäbärlär