Yulbasar qulğa alınğan

Oçqıçqa oyıştırılğan operatsiyadä birelgän yulbasarnıñ Säyfättin Mostafa buluı açıqlanğan

460808
Yulbasar qulğa alınğan

Misır hawa yullarına bäyle oçqıçnı İskändäriyä şähärennän başqala Qahirägä oçqanda urlap, Könyaq Kipr grek töbägendäge Larnaka hawa mäydanına töşertkän yulbasar qulğa alınğan.

Oçqıçqa oyıştırılğan operatsiyadä birelgän yulbasarnıñ Säyfättin Mostafa buluı açıqlanğan.

Säyfättin Mostafanıñ elektän Misır cärbi küzläwendä ofitser bularaq wazifa başqaruı häm Misır däwlät başlığı Abdülfättah äl Sisineñ tän saqçıları arasında buluı belderelä.

Mostafanıñ Larnakada yäşäwçe elekke xäläl cefete Marina Parashuğa birelüen telägän xatta Misır törmälärendä utıruçı qayber xatın-qızlarnıñ irekkä cibärelüen sorawı citkerelä.

BBCğa açıqlaw yasağan häm üzeneñ İbrahim Samara buluın äytkän ber şäxes waqiğağa bäyläneşeneñ bulmawın, barı tik oçqıçta irekkä cibärelgän yulçılardan berse buluın äytkän ide.

Misırlı räsmi zatlar da soñınnan yulbasarnıñ şäxes tanıqlığınıñ döres buluın beldergän.

Könyaq Kipr liderı Nikos Anastasiadis oçqıç urlaw ğamäleneñ terrorçılıqqa bäyläneşeneñ bulmawın äytkän, yulbasar belän satulaşqan Kiprlı grek räsmi zatları da yulbasarnıñ terrorçı bulmawın häm ğaşiq keşegä oşawın beldergän ide.

Oçqıçtağı barlıq yulçı häm ekipajnı äkrenläp irekkä cibärgän yulbasarnıñ niyäte soraw aludan soñ bilgele bulaçaq.



Bäyläneşle xäbärlär