“Terrorçılıqqa bäyläneşe yuq”

Misırnıñ İskändäriyä şähärennän başqala Qahirägä oçqan waqıtta urlanıp, Könyaq Kipr Grek töbägendäge Larnaka hawa mäydanına töşerelgän Misır hawa yullarına bäyle oçqıçtağı yulbasarnıñ terror ğamälen başqarmawı açıqlanğan.

Könyaq Kipr liderı Nikos Anastasiadis oçqıç urlawnıñ terrorçılıqqa bäyläneşeneñ bulmawın äytkän.

Hawa yulbasarınıñ elekke xäläl cefeteneñ Könyaq Kiprda yäşäwe, monnan alda yazğan 4 bitlek xatnıñ üzenä tapşırıluın teläwe belderelä.

Yulbasarnıñ Misırda elekke iminlek personalı buluı, Misır törmälärendä utıruçı, ayıruça qayber xatın-qızlarnıñ irekkä cibärelüen taläp itüe dä xäbärlär arasında urın ala.

Oçqıçtağı 5 yulçı häm 7 ekipajdan tış qalğan yulçılar irekkä cibärelgän.

Grek töbäge televideniyesı CYBC hawa yulbasarınıñ xatın-qız häm balalarnı irekkä cibärüen citkergän.

Yulbasarnıñ qorallı buluı häm oçqıçta bombanıñ buluınnan şöbhä bar.

Misır matbuğatı yulbasarnıñ isemen İbrahim Samaha bularaq açıqlağan.

Läkin BBCneñ ğaräpçä bülegenä açıqlaw yasağan häm üzeneñ İbrahim Samara buluın äytkän ber şäxes waqiğa belän bäyläneşeneñ bulmawın, barı tik oçqıçnıñ irekkäk cibärelgän yulçılarınnan berse buluın beldergän.

Hawa yulbasarı östendä bombalı jiletnıñ buluın äytep, pilotqa yanağan häm oçqıçnı Larnaka hawa mäydanına töşerergä kündergän.

Larnaka hawa mäydanı oçqıç säfärläre öçen yabılğan, kiñ qırlı iminlek çaraları kürelgän.

Grek töbäge politsiyase yulbasar belän elemtä qorğan, anıñ öçençe ilgä barırğa teläwe belderelä.

SU-GCB nomerlı yulçı oçqıçınıñ Airbus A 320 törendä buluı açıqlanğan.