Nadejda Savçenkoğa 22 yıl törmä

Rusiyädä xökem itelüçe Ukraina pilotı häm xalıq ışanıçlısı Nadejda Savçenkoğa 22 yıl törmä cäzası birelgän.

456979
Nadejda Savçenkoğa 22 yıl törmä

2014nçe yılda Ukrainanıñ könçığışında Rusiyä jurnalistlarınıñ üterelüenä yärdäm itüe raslawı belän xökem itelüçe Savçenkonıñ mäxkämä utırışı Rostov töbägeneñ Donetsk şähär mäxkämäsendä sişämbe könne däwam itelgän.

Mäxkämä Ukraina xalıq ışanıçlısı häm Awrupa şurası parlamentariylär assambleyası äğzase Savçenkoğa 22 yıl törmä xökeme belän bergä “Rusiyä çigen qanunsız uzu”da gäyeplänep 30 meñ rubl aqçalata cäzağa xökem itkän.

Ukrainanıñ könçığışında Rusiyä yaqlı separatistlarğa qarşı alıp barılğan operatsiyalarda üzixtıyarıy bularaq qatnaşqan Ukraina ğäskäreneñ berdänber xatın-qız oçuçısı ölkän leytenant Savçenko 2014nçe yılnıñ 18nçe-19nçı iyün könnärendä Sçastye tiräsendä güyä “Lugansk xalıq cömhüriyäte” separatistları tarafınnan totıq itep alınğan ide.

Savçenko 3nçe marttağı mäxkämä utırışında soñğı yaqlaw öçen süz xoquqı birelmäwe arqasında açlıq aktsiyäsenä başlağan ide.



Bäyläneşle xäbärlär