Soğud Ğaräbstanınnan çaqıru
Patşa Sӓlman bin Abdülaziz ileneň eçke eşlӓrenӓ qatışmasqa çaqırğan
Soğud Ğarӓbstanı patşası Sӓlman bin Abdülaziz ileneň eçke eşlӓrenӓ qatışmasqa çaqırıp, töbӓktӓ iminlek hӓm tınıçlıq telӓwlӓren ӓytkӓn.
Soğud Ğarӓbstanı rӓsmi agentlığı SPAnıň xӓbӓrenӓ kürӓ hӓr yıl traditsion bularaq oyıştırılğan mӓdӓniyӓt hӓm tarixi miras festivale “Cenadriye” uňayınnan şaqtıy zıyalı hӓm ӓdӓbiyatçını Yemame sarayında qabul itkӓn patşa Sӓlman ileneň qalğan illӓrneň eçke eşlӓrenӓ qatışmıyça üzen saqlaw xoquqınıň buluın beldergӓn.
Bernindi ilneň isemen ӓytmiçӓ “Başqalarnı da Soğud Ğarӓbstanınıň eçke eşlӓrenӓ qatışmasqa çaqırabız,” – digӓn patşa Sӓlman: “İminlek hӓm tınıçlıqnıň töbӓgebezdӓ urnaşuın telibez. Ğarӓp hӓm möselman qardӓşlӓrebezne yaqlar öçen xezmӓttӓşlek başqarabız,” – digӓn.
Soğud Ğarӓbstanı liderlığında aralarında Törkiyӓ dӓ bulğan 34 il “Terrorçılıqqa qarşı İslam ittifaqı” isemle yaňa koalitsiya qorğan ide.
Soğud Ğarӓbstanı belӓn ber rӓttӓn şaqtıy ğarӓp ile xuplağan başqa koalitsiya isӓ mart ayınnan bügengӓ qadӓr Yӓmӓndӓ xusilӓrgӓ qarşı xӓrbi operatsiya alıp bara.
