Frantsiyadä mäçet yabılğan

Eçke eşlär ministrı mäçetneñ radikalläşü nigeznamäse belän yabıluın açıqlağan

399237
Frantsiyadä mäçet yabılğan

Başqala Parijda 13nçe noyabr könne “Ğiraq-Dimäşk” terror oyışması tarafınnan oyıştırılğan terror höcümnärennän soñ ildäge mäçetlärne kontrol astına alğan frantsuz politsiyase Lagny-sur-Marne şähärendäge ber mäçetkä operatsiya oyıştırğan.

Parijneñ 35 çaqrım könçığışındağı Lagny-sur-Marnedağı mäçet ütkärelgän tikşerüdän soñ yabılğan.

Operatsiyadä ber keşe qulğa alınğan, 22 keşeneñ çit ilgä çığuı tıyılğan, 9 keşegä dä öydä saq astına alınğan.

Wazğiyätkä uñay qarağan Marnedağı Möselman berlege başlığı Mohamed Ramdane ğadättän tış xällärdä härkemneñ iminlegen qızıqsındıruçı qararlarnıñ qabul itelä alınacağına iğtibar cälep itep: “Bez şähär xaqimiyäte belän xezmättäşlek başqarabız, bernärsäne dä saqlamıybız. Bu Lagny-su-Marnedağı berdänber mäçet,” – digän.

Frantsiyaneñ eçke eşlär ministrı Bernard Cazeneuve mäçetneñ radikalläşü nigeznamäse belän yabıluın açıqlağan.

Parijdağı terror höcümnärennän soñ ğadättän tış xäl iğlan itelgän ildä uzğan atnada da ike mäçet yabılğan ide.


Etiketlar:

Bäyläneşle xäbärlär