"Klimat üzgäreşe belän bäyle tabiği afätlärdä 600meñ keşe ülgän"

Berläşkän Millätlär Oyışması soñğı 20 yılda klimat üzgäreşennän kilep tuğan tabiği afätlärdä 600 meñ keşeneñ ğomere özelüen beldergän.

Oyışmanıñ mäs’älä belän bäyle xisabına kürä, afätlär säbäbe belän 4 milliard 1 million keşe yortsız-cirsez qalğan yäisä aşığıç yärdämgä moxtac bulğan.

Xisapta su basu häm dawıl sannarında daimi räweştä artış küzätelüe ,qorılıq,esse hawa ağımnarı häm çiktän tış salqın hawanıñ da borçuğa saluı citkerelgän.

Berläşkän Millätlär Oyışması klimat üzgäreşe belän tiskäre hawa şartları arasındağı bäyläneş küzdä totılğanda kiläse yıllarda hawa belän bäyle afätlärdä artış bulacağına basım yasağan.

Oyışma Frantsiya başqalası Parijda ay azağında ütkäreläçäk klimat oçraşuınnan elek biredä qatnaşaçaq 190 ilgä klimat üzgäreşe mäs’äläsendä kileşü tä’min itärgä çaqırğan.

Yuğarı däräcäle oçraşuda global parnik gazların kimetü turında süz baraçaq.